ياقربهم لا قلت طلعه على تيس
ويابعدهم لا قلت محتاج حاجه
اهل اللجاجه والوجيه المفاليس
مامن وراهم غير كثر اللجاجه
ياهاجسي تكفى تعوذ من ابليس
الصقر ماياكل فروخ الدجاجه
يكرم لساني عن علوم الحماليس
اهل العقول الفارغه والعواجه
عيني تطالع فوق واشوف واقيس
ويشوش راسي للقاء والمواجه
عليك بااللي دايمن مرخي الكيس
اللي ليامن جوه يضحك حجاجه
اللي تناسب له جميع التضاريس
يمدح مطرها لو مطرها عجاجه
صدره وسيع ولا تجيه الوساويس
هذا دوى قلبي وهذا علاجه
زيزوم حلال الامور الواليس
لو ينزعج مااحدن يحس انزعاجه
واما العفون اهل الوجيه المكاويس
بفراقهم قلبي يزيد ابتهاجه
من راح ياجعله مراح النسانيس
وكلن على ماقيل عارف خراجه
ارفع جنابي عن علوم الدنافيس
واللوم في بعض المواقف سماجه
اللي يلوم الهيس في زلته هيس
هذا الوكاد وكل شخص ومزاجه
من جهاز الـ iPhone الخاص بي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.